機場小確幸
話說今次想體驗下「祖國偉大的工程之HZM大橋」但由於指引非常唔清晰，邊行邊問下係機場大堂外見到個坐係度hea緊既一個工程大叔，佢答我直行坐B4，咁我就一直行搵B4，但都係由於指示非常唔清晰，我行到老連咁遠都搵唔到情況下，我遠遠聽到一聲喊聲「鳴～～～～～咿」，我驀然回首，原來係大叔在輕輕叫喚我，佢手指指向左方示意叫我轉左？然後我以為要行入去左方一個building入面，然後我昂首闊步抱著今次實無死的心態橫過馬路，行到中間我再次聽到一把熟悉的呼喊聲，我回到原點確認聲源，一看，是大叔！大叔又在呼喊我了！他手再次往左方指。我心想是否要我注意路邊的車站牌而不是叫我轉左？於是邊抬頭看邊找尋B4，沒走幾步終於找到B4。然後順利坐上巴士。
我事後覺得大叔為何會有此一舉動？其實當我問佢路時佢答完，佢任務已經完成。但點解會接2連3地係背後默默睇著我、守護著我確保我係咪真係搵到B4？我一黎覺得呢件係好人好事外，我回過頭其實我好想訪問佢點解會有咁既舉動。「係咪佢都覺得指示太唔清晰一般人好難搵到？」定係「佢份人本身就係比較容易擔心人？」定係「佢覺得我太靚仔對我產生仰慕之情所以比較注意我🤔？」
最近讀書讀太多個人有D瘟瘟地，對現象學(phenomenolgoy)產生左興趣，大至平時護理實踐中既現象，小至日常心活不以為然既現象，都會想探究一下背後原因。
Search